Hindi ko talaga mapanindigan itong pagba-blog ko. Haha. 2 years na pala since ginawa ko itong blog na `to. Kumusta naman `yon?
Habang binabasa ko `yong previous posts ko, napapangiti na lang ako. Iyon `yong mga time na nangangarap pa lang akong maging published writer. Sa loob ng dalawang taon, hindi naman ako nabigo.
Natupad ang pangarap kong ma-publish ang My Kuya's Assistant at His Pastime Girl tapos `yong The Perfect Subject, to-be-published pa. Meron na rin akong published book under PHR at may mga to-be-published din akong books sa kanila.
Kahit paunti-unti ay natutupad na rin ang pangarap ko na makapangolekta ng mga paborito kong libro. Dumami ang mga kaibigan ko online na mahilig ding magbasa. In more than 2 years lang, mahigit 9K na ang followers ko sa Wattpad. Thankful talaga ako dahil hindi biro ang dami nila. But let's see kung umabot ako ng 100K followers. Haha. Ambisyosa lang, e.
Mahirap ang pagsusulat pero hindi ako nagsisisi na hindi ko `yon sinukuan. Maraming salamat kay God sa pagbibigay sa akin ng pagkakataon na isakatuparan ang pangarap kong `yon. Gusto kong humirit pa sana sa Kanya kung okay lang. Gusto kong makagawa ng isang book shelf na lahat mga gawa ko. Haha. Sana marami pa akong maisulat. Sana proud si God sa akin. I love you, Papa God. Thank you so much!
Yasha/Sharmaine/Red
